MANIFESTO EN RELACIÓN CO CESE DO XEFE DO DEPARTAMENTO DE PATRIMONIO HISTÓRICO DO CONCELLO DE VIGO, RAFAEL OJEA
No pasado mes de xullo a prensa deu a coñecer a noticia de que Rafael Ojea fora cesado do seu posto de traballo como Xefe do Departamento de Patrimonio Histórico do concello de Vigo, e de que sería trasladado ao departamento de Benestar Social. Pénsase que o motivo do cese non é único, senón un conxunto de feitos que non son ben vistos polo goberno municipal. Entre outros encóntranse os informes non favorables de Rafael Ojea ao Plan Xeral de Ordenación Municipal de Vigo, en tramitación, e aos proxectos de creación de dous paseos litorais en Alcabre e na Guía, porque o patrimonio cultural non era tratado debidamente nos devanditos documentos. Pero, para facerse unha idea da idoneidade destes informes, baste dicir que os da Dirección Xeral de Patrimonio Cultural da Xunta de Galicia, sobre o PXOM e sobre o proxecto de paseo litoral da Guía foron tamén desfavorables, mentres que o paseo litoral de Alcabre non foi remitido á citada Dirección Xeral pese a ser obrigatorio. Tamén resulta moi significativo que outros informes municipais sobre o PXOM foran desfavorables.
Os asinantes deste escrito temos constancia do bo facer de Rafael Ojea no seu posto de xefe de Patrimonio Histórico de Vigo; posto que, por outra parte, viña desempeñando con gobernos de variado signo político (PSOE-EG-BNG, PP, BNG-PSOE) dende o ano 1991. Dende o departamento de Patrimonio Histórico, Rafael Ojea puxo en marcha un referente municipal para a protección e rehabilitación do patrimonio cultural, contando con recursos económicos moi minguados e con medios humanos moi escasos; baste dicir, que en todo este tempo non dispuxo dun plantel de técnicos (arqueólogo, arquitecto, aparellador, etc.) como sería necesario. Pese a todo fixo as xestións necesarias para conseguir levar a termo numerosos traballos de protección e rehabilitación do patrimonio cultural e desenvolveu unha fervente actividade da que queda constancia nas revistas do citado Departamento municipal Olea Europaea e Buguina, ou nas publicacións monográficas sobre o patrimonio cultural vigués que coordinou para editar dentro das coleccións Datos e Catálogos do Patrimonio. A letra impresa é teimuda, e do bo facer de Rafael Ojea ha quedar constancia para deshonra de algúns.
Entre as virtudes de Rafael Ojea están o seu respecto polas normas xurídicas e os procedementos administrativos, a ilusión e fe na utilidade do seu traballo, que non se desenvolvía exclusivamente no horario matinal establecido, a súa eficacia e a súa honestidade. Rafael Ojea demostrou estar suficientemente capacitado para dirixir o departamento de Patrimonio Histórico.
Co seu cese e non contando con persoal técnico cualificado, o departamento de Patrimonio Histórico queda á deriva. Vigo non so non se dota de persoal técnico para sacar partido á súa riqueza de recursos patrimoniais, cunha aposta decidida, senón que se permite o luxo de prescindir dun dos poucos profesionais cualificados dos que dispón. A súa “culpa” foi dicir no seu informe que o PXOM non garante a conservación do patrimonio cultural vigués. En definitiva, coa medida adoptada pola alcaldesa de Vigo queda patente o desinterese do goberno municipal polo patrimonio cultural. Pero o goberno municipal non é o conxunto da sociedade, e non queremos que pase desapercibida a súa actitude e que se tire por terra o camiño andado dende 1991; non queremos que se “reestructure” aos funcionarios que cumpren co seu traballo e actúan con independencia.
Logo do exposto, instamos ao goberno municipal a que escoite á opinión pública e aos profesionais e persoas interesados no patrimonio cultural, e que tome as medidas precisas para inverter a situación actual de abandono do patrimonio cultural, comezando por restituír a Rafael Ojea ao posto de traballo do que nunca debeu saír.
ASINANTES DO MANIFESTO
ARQUEÓLOGOS
ACUÑA PIÑEIRO, ÁNGEL. VIGO
ALBADALEJO IGLESIAS, EVA. VIGO
BARBI ALONSO, VÍCTOR. A GUARDA
CALO RAMOS, NURIA. A CORUÑA
CARBALLO ARCEO, XULIO. CONSELLERÍA DE CULTURA-PONTEVEDRA
CASTRO CARRERA, JUAN C. VIGO
CHAO ÁLVAREZ, F. JAVIER. OURENSE
CONSTELA DOCE, XURXO. REDONDELA
CORTEGOSO COMESAÑA, MAR. VIGO
FERRER CRUZ, JOAQUÍN. FERROL
GÓMEZ NISTAL, CARMEN. CONSELLERÍA DE CULTURA-PONTEVEDRA
GONZÁLEZ MÉNDEZ, MATILDE. A CORUÑA
LUACES ANCA, JAVIER. VIGO
PAREDES RUANO, PAULA. TUI
PAZ LOBEIRA, ROSA Mª. SANTIAGO
PERLES FONTAO, JUAN JOSÉ. VIGO
PRIETO ROBLES, Mª SOLEDAD. TUI
REY GARCÍA, JOSÉ MANUEL. CONSELLERÍA DE CULTURA-SANTIAGO
RODRÍGUEZ PUENTES, EUGENIO. CONSELLERÍA DE CULTURA-SANTIAGO
RODRÍGUEZ SAIZ, EDUARDO. VIGO
SOTO ARIAS, PURIFICACIÓN. A CORUÑA
TALLÓN NIETO, MARÍA JESÚS. CONSELLERÍA DE CULTURA-SANTIAGO
TORRES BRAVO, CARMEN. VIGO
TOSCANO NOVELLA, CRISTINA. VIGO
VÁZQUEZ COLLAZO, SANTIAGO. A CORUÑA
VIÑAS CUÉ, RICARDO. VIGO
ARQUITECTOS
ALVAREZ ALVAREZ, JOSE ANTONIO. ARQUITECTO MUNICIPAL. GONDOMAR
ARDID POSADA, CARLOS. VIGO
BEREA Y CRUZ, EDUARDO. VIGO
GARRIDO RODRIGUEZ, XAIME. VIGO
MAGDALENA NOGUEIRA, JOSE. VIGO
MAGDALENA NOGUEIRA, PABLO. VIGO
NIETO FREIRE, TERESA. CONSELLERÍA DE CULTURA-PONTEVEDRA
PENELA FERNANDEZ, ALFONSO. VIGO
PINTOS SANTIAGO, VICENTE. VIGO
SOBRINO DEL RIO, M. LUISA. ARQUITECTA. XERENCIA MUNICIPAL DE URBANISMO. VIGO
ARTISTAS E ESCRITORES
DURÁN "MORRIS", ANTONIO. ACTOR. VIGO
GONZÁLEZ GONZÁLEZ, AMANDO. PINTOR. VIGO
HERNÁNDEZ RODRÍGUEZ-CEBRAL, JULIÁN. MÚSICO. VIGO
PATIÑO, ANTÓN. PINTOR. MADRID
SOBRAL IGLESIAS, ANTÓN. PINTOR. ESCOLA DE RESTAURACIÓN DE BB.CC. PONTEVEDRA
SOBRINO MOSTEYRÍN, XOSÉ GUILLERMO. PINTOR-ESCULTOR. VIGO
GONZÁLEZ MARTÍN, GERARDO. PERIODISTA E HISTORIADOR.. VIGO
RODRÍGUEZ FER, CLAUDIO. ESCRITOR E PROFESOR UNIVERSITARIO (USC). SANTIAGO
ROMÓN ALONSO, MANUEL. ESCRITOR. VIGO
TORO, SUSO DE. ESCRITOR. SANTIAGO
MUSEOS
BELLO DIÉGUEZ, JOSÉ MARÍA. MUSEO ARQUEOLÓXICO E HISTÓRICO. A CORUÑA
CARAMÉS MOREIRA, VICENTE. MUSEO DO MAR. VIGO
LLANA RODRÍGUEZ, CÉSAR. MUSEO ETNOLÓXICO DE RIBADAVIA. RIBADAVIA
PEÑA SANTOS, ANTONIO DE LA. MUSEO DE PONTEVEDRA. PONTEVEDRA
PÉREZ OUTEIRIÑO, BIEITO. MUSEO DAS PEREGRINACIÓNS. SANTIAGO
PROFESORES DE ENSINO SECUNDARIO
ABAD GALLEGO, XOÁN CARLOS. HISTORIADOR. VIGO
ÁLVAREZ LIRES, MARI. VIGO
BANDE BUJÁN, MARTA. IES CASTRO ALOBRE. VILAGARCÍA DE AROUSA
DASAIRAS VALSA, XERARDO. HISTORIADOR. CANGAS
GIRÁLDEZ LOMBA, ANTONIO. IES RICARDO MELLA. HISTORIADOR. INSTITUTO DE ESTUDIOS VIGUESES. VIGO
GÓMEZ ALÉN, JOSÉ. VIGO
GONZÁLEZ FERNÁNDEZ, J. MIGUEL. HISTORIADOR. VIGO
IGLESIAS VEIGA, J. RAMÓN. IES PINO MANSO, O PORRIÑO. HISTORIADOR. INSTITUTO DE ESTUDIOS VIGUESES. VIGO
MOVILLA GARCÍA, CARLOS. IES ROSAIS II. VIGO
OCAÑA EIROA, FRANCISCO JAVIER. HISTORIADOR DA ARTE. INGLÉS. IES SANTA IRENE. VIGO
RODRÍGUEZ PÉREZ, MARÍA AURELIA. MESTRA. VIGO
ROSAS MARTÍNEZ, XABIER. CENTRO DANIEL CASTELAO. VIGO
SOUTO GONZÁLEZ, XOSÉ MANUEL. XEÓGRAFO. VALENCIA
SUÁREZ CANAL, XOSÉ LOIS. FOTÓGRAFO. IES SANTA IRENE. VIGO
PROFESORES DE UNIVERSIDADE
ACUÑA CASTROVIEJO, FERNANDO. CATEDRÁTICO DE ARQUEOLOXÍA. UNIVERSIDADE DE SANTIAGO. SANTIAGO
ALEIXANDRE, MARILAR. DIDÁCTICA DAS CIENCIAS EXPERIMENTAIS. UNIVERSIDADE DE SANTIAGO. SANTIAGO
ARIAS SÁNCHEZ, PEDRO. ENXEÑEIRO. UNIVERSIDADE DE VIGO. VIGO
CAAMAÑO GESTO, MANUEL. ARQUEOLOXÍA. UNIVERSIDADE DE SANTIAGO. SANTIAGO
CASAL GARCÍA, RAQUEL. ARQUEOLOXÍA. UNIVERSIDADE DE SANTIAGO. SANTIAGO
COMENDADOR REY, BEATRIZ. PREHISTORIA. UNIVERSIDADE DE VIGO. OURENSE
COSTA RICO, ANTÓN. HISTORIA DA EDUCACIÓN. UNIVERSIDADE DE SANTIAGO. SANTIAGO
FÁBREGAS VALCÁRCE, RAMÓN. CATEDRÁTICO DE PREHISTORIA. UNIVERSIDADE DE SANTIAGO. SANTIAGO
JARES, JESÚS. PEDAGOXÍA. UNIVERSIDADE DE A CORUÑA. A CORUÑA
LÓPEZ FACAL, RAMÓN. HISTORIA CONTEMPORÁNEA. UNIVERSIDADE DE SANTIAGO. SANTIAGO
LÓPEZ FIGUEROA, ESTEBAN. DESEÑO NA ENXEÑERÍA. UNIVERSIDADE DE VIGO. VIGO
MÉNDEZ MARTÍNEZ, GONZALO. XEOCIENCIAS MARIÑAS. UNIVERSIDADE DE VIGO. VIGO
MONTALVO RODRÍGUEZ, JAVIER. ECÓLOGO. UNIVERSIDADE DE VIGO. VIGO
MOVILLA GARCÍA, MATÍAS. AVOGADO. UNIVERSIDADE DE VIGO. VIGO
ORCHE GARCÍA, ENRIQUE. ENXEÑEIRO DE MINAS. CATEDRÁTICO DA UNIVERSIDADE DE VIGO. VIGO
PÉREZ LOSADA, FERMÍN. ARQUEOLOXÍA. UNIVERSIDADE DE VIGO. OURENSE
REY CASTIÑEIRAS, JOSEFA. PREHISTORIA. UNIVERSIDADE DE SANTIAGO. SANTIAGO
SÁNCHEZ GARCÍA, JESÚS A. HISTORIA DA ARTE. UNIVERSIDADE SANTIAGO. SANTIAGO
RESTAURADORES-CONSERVADORES
BECERRO MANSO, MARTA. CONSERVADORA-RESTAURADORA. VIGO
BENAVIDES GARCÍA, ROSA. CONSERVADORA-RESTAURADORA. VIGO
BUCETA BRUNETI, GONZALO. CONSERVADOR-RESTAURADOR. PONTEVEDRA
CARRERA RAMÍREZ, FERNANDO. CONSERVADOR-RESTAURADOR. ESCOLA DE RESTAURACIÓN DE BB.CC. DE GALIZA. PONTEVEDRA
OUTROS
ABAD VIDAL, EMILIO. TÉCNICO SUPERIOR SIG. SANTIAGO
BRAGADO RODRÍGUEZ, MANUEL. EDITOR. VIGO
COSTAS GOBERNA, JAVIER. SISTEMAS DE INFORMACION. INSTITUTO DE ESTUDIOS VIGUESES. VIGO
DOMÍNGUEZ TOXO, XAIME. DIRECTIVO DO ATENEO DE PONTEVEDRA E PEDAGOGO. PONTEVEDRA
GARRIDO FENÉS, ALICIA. HISTORIADORA DA ARTE. VIGO
GONZÁLEZ MARTÍNEZ, XOSÉ. FUNCIONARIO CONCELLO DE REDONDELA. REDONDELA
LÓPEZ MÁRQUEZ, GONZALO. CONSULTOR EN MEDIO AMBIENTE. VIGO
MARTÍNEZ DOMÍNGUEZ, SABELA. LIBREIRA. VIGO
MATEO ALVAREZ, JOSÉ LUIS. LIBREIRO E HISTORIADOR. VIGO
MILORO COSTAS, DOLORES. ADMINISTRATIVA. UNIVERSIDADE DE VIGO. VIGO
MONTEAGUDO ROMERO, XOAQUÍN F. SECRETARIO CONCELLO DE MUROS. MUROS
RODRÍGUEZ GÓMEZ, XOSÉ M. XEFE SERVIZO EDUCACIÓN E MOCIDADE. CONCELLLO DE SANTIAGO. SANTIAGO
SEOANE FERNÁNDEZ, JUAN. LIBREIRO. VIGO
NOVOS APOIOS
ADÁN GÓMEZ, MANUEL. PROFESOR. UNIVERSIDADE DE VIGO
SANTOS ZAS, GABRIEL. ARQUITECTO. VIGO
RODRÍGUEZ PAZ, MONTSERRAT. PROFESORA E HISTORIADORA. VIGO
MARTÍNEZ BARREIRO, MANUEL. COORDINADOR DE EDICIÓNS DIXITAIS
OTERO GUTIÉRREZ, LUIS. PROFESOR ENSINO SECUNDARIO. IES DO CASTRO. VIGO
QUINTEIRO MORA, ALBINO. PRESIDENTE ASOCIACIÓN GALEGA DE ARTESANS TRADICIONAIS
PENA PUENTES, ROBERTO. ARQUEÓLOGO. CONSELLERÍA DE CULTURA-SANTIAGO
PÉREZ PEREIRA, MIGUEL. CATEDRÁTICO DE PSICOLOXÍA EVOLUTIVA E DA EDUCACIÓN. UNIVERSIDADE DE SANTIAGO
PÉREZ RODRÍGUEZ, Mª LUISA. ARQUEÓLOGA. CONSELLERÍA DE CULTURA-SANTIAGO
